CHIOVE

Novembre 13th, 2008

Tu stai malata, e cante,
tu stai murenno, e cante…
So’ nove juorne, nove
ca chiove…ciove…chiove…
E se fa fredda ll’aria
e se fa cupo ‘o cielo,
e tu, din”a ‘stu gelo,
tu sola cante e muore…

Chi si’? Tu si’ ‘a canaria.
Chi si’? Tu si’ l’Ammore
e tu, dint”a ‘stu ggelo,
tu sola cante e muore…

…Ggiesù, ma comme chiove!

Tu, comme a na’ Madonna
cante ‘na ninna nonna
pe’ ‘nangiulillo ‘ncroce
ca vo’ senti’ sta voce…
‘Sta voce solitaria
ca dint”a notte canta…
E tu , comm”a ‘na santa,
tu sola sola muore…

Chi si’? Tu si’ ‘a canaria.
Chi si’? Tu si’ l’Ammore
ca pure quanno more
Canta canzone nove…

…Ggiesù, ma comme chiove!

Libero Bovio.